历代志上 2章18节 到 2章24节 背景资料 上一笔 下一笔 |
Chit段经文是有关迦勒ê kiáⁿ孙之族谱,m̄-koh mā夹tio̍h in父亲希斯仑ê另外一部分族谱。 第18到20节,chia siōng重要ê族谱名单中,就是beh绍介比撒列,伊就是hō͘上帝ê灵充满,聪明koh有才智、技巧,ē-tàng做各种工艺,因为án-ne,tī伊ê主导下,摩西时代圣幕ê建造就是出tī伊ê杰作(参考出埃及记第三十一:1—11)。Mā因为án-ne,比撒列ê祖先迦勒就tī族谱中占有极大位置(参考第42到55节)。 第21到24节,chit段经文koh一pái提起希斯仑tī六十岁ê时koh娶一个bó͘。非常重要ê一项,就是tī chia提起希斯仑有一个孙á睚珥,讲伊bat tī基列境内统治过「二十三座城」,ē-sái讲是对照士师记第十章4节ê记载,是统治三十座城,甚至城市ê名mā是用睚珥号名。 |