| 章节 | 全民台语圣经全罗经文 | 注释 |
| 6:1 | Ông Sù Mol-té-kái Êng-iāuHit mê, ông bē khùn-.tit, kiò lâng the̍h le̍k-sú ê chheh lâi, in chiū tī ông ê bīn-chêng tha̍k chheh. | 注释 串珠 字典 原文 典藏 |
| 6:2 | Tú tio̍h chheh-.ni̍h ū ánne siá, " Ông kò͘-mn̂g ê thài-kàm tiong-kan ū nn̄g lâng, Bik-thàn kah The-le-sih, kè-bô͘ beh hāi A-ha-sui-ló͘ ông, Mol-té-kái pò-kò chit-ê tāichì. | 注释 串珠 字典 原文 典藏 |
| 6:3 | Ông kóng, " Ūi tio̍h chit-ê tāichì, tio̍h ēng siáⁿ-mi̍h êng-kng kah chun-kùi siúⁿ-sù hō͘ Mol-té-kái? " Sū-hāu ông ê jîn-sîn ìn kóng, " Bián siúⁿ-sù i siáⁿ-mi̍h. " | 注释 串珠 原文 典藏 |
| 6:4 | Ông kóng, " Siáⁿ lâng tī īⁿ lāi? " Hit sî, Ha-mán ji̍p-lâi ông-kiong ê gōa-īⁿ, beh kiû ông kā Mol-té-kái tiàu tī i só͘ khiā ê chhâ-kè. | 注释 串珠 字典 原文 典藏 |
| 6:5 | Ông ê jîn-sîn kā i kóng, " Ha-mán khiā tī īⁿ lāi. " Ông kóng, " Kiò i ji̍p-.lâi. " | 注释 串珠 字典 原文 典藏 |
| 6:6 | Ha-mán chiū ji̍p-.khì. Ông mn̄g i kóng, " Ông só͘ ài kā i êng-kng ê lâng, tio̍h án-chóaⁿ kā i khoán-thāi? " Ha-mán sim-lāi siūⁿ kóng, ông só͘ ài kā i êng-kng ê lâng, siáⁿ lâng ē iâⁿ-kòe góa? | 注释 串珠 原文 典藏 |
| 6:7 | Ha-mán chiū ìn ông kóng, " Ông só͘ ài kā i êng-kng ê lâng, | 注释 串珠 原文 典藏 |
| 6:8 | tio̍h kā ông só͘ chhēng ê ông-ho̍k, ông só͘ khiâ ê bé, thâu-khak téng só͘ tì ê bián-liû, | 注释 串珠 字典 原文 典藏 |
| 6:9 | tio̍h kā chiahê saⁿ-khò͘ kah bé kau tī ông chi̍t-ê ke̍k chun-kùi ê jîn-sîn ê chhiú, hō͘ i ēng hit niá saⁿ hō͘ ông só͘ ài kā i êng-kng ê lâng chhēng, koh hō͘ i khiâ bé piàn-iû siâⁿ lāi ê ke-lō͘, tī i ê thâu-chêng soan-pò͘ kóng, ông só͘ ài kā i êng-kng ê lâng, beh ánne kā i khoán-thāi. " | 注释 串珠 字典 原文 典藏 |
| 6:10 | Ông kā Ha-mán kóng, " Lí kóaⁿ-kín khì, kā chiahê saⁿ-khò͘ kah bé, chiàu lí só͘ kóng ê, khì khoán-thāi chē tī ông-kiong ê mn̂g-kháu hit-ê Iô-tah lâng Mol-té-kái. Kiàn-nā lí só͘ kóng ê m̄ thang kiám chi̍t hāng. " | 注释 串珠 字典 原文 典藏 |
| 6:11 | Ha-mán chiū tòa saⁿ-khò͘ kah bé lâi, hō͘ Mol-té-kái chhēng, koh hō͘ i khiâ bé, piàn-iû tī siâⁿ lāi ê ke-lō͘, tī i ê thâu-chêng soan-pò͘ kóng, " Ông só͘ ài kā i êng-kng ê lâng, beh ánne kā i khoán-thāi. " | 注释 串珠 字典 原文 典藏 |
| 6:12 | Mol-té-kái tńg-lâi ông-kiong ê mn̂g. Ha-mán iu-būn, kā i ê thâu-khak tà-.leh, kóaⁿ-kín tò tńg-khì in chhù. | 注释 串珠 字典 原文 典藏 |
| 6:13 | Ha-mán kā i it-chhè só͘ tú-.tio̍h ê lóng kā i ê bó͘ Che-le-sih kah i hiahê pêng-iú kóng. I hiahê tì-sek ê lâng kah i ê bó͘ Che-le-sih kā i kóng, " Lí só͘ khí-thâu tī i bīn-chêng sit-pāi ê Mol-té-kái, i nā kó-jiân sī Iô-tah ê chéng-cho̍k, lí it-tēng bē iâⁿ i, lí ē tī i ê bīn-chêng sit-pāi kàu-té. " | 注释 串珠 原文 典藏 |
| 6:14 | In iáu teh kah i kóng-ōe ê sî, ông ê thài-kàm lâi, kiò Ha-mán kóaⁿ-kín khì hù Ê-su-tel só͘ siat ê iàn-se̍k. | 注释 串珠 原文 典藏 |