約書亞記 20章1節 到 20章6節 背景資料 上一筆 下一筆 |
Chit章是有關設置庇護城ê規定。Tī民數記第三十五章9到15節,以及申命記第四章41到43節、第十九章1到13節lóng已經有詳細記載,總共設置庇護城六座,三座tī約旦河東邊,就是呂便支族提供ê「比悉城」、迦得支族ê「拉末城」、瑪拿西支族ê「哥蘭城」。chit-má chia所提起ê,是關係tī約旦河西岸ê庇護城。 Chit段經文先解釋為甚麼beh設庇護城ê用意。 第1到3節,chia真清楚說明設立庇護城是根據上帝ê旨意而行,為ê幫助非故意誤刣人ê人,伊thang到這城走chhōe庇護,以逃避報復ê人ê殺害。 第4到6節,chiah-ê走chhōe庇護者,一定tio̍h先向hit-ê城長老解釋發生案件ê經過,然後長老一定tio̍h開會審案通過chiah thang收留。確定收留ê時,即使有仇家chhōe-tio̍h hit-ê城,hit-ê城有義務保護該避難者,一直等到大祭司死去,伊chiah thang tńg來到原來ê故鄉。 |