創世記 24章10節 到 24章27節 背景資料 上一筆 下一筆 |
老奴僕所帶ê禮物mā ē-sái講是當時ê聘金,而且是真豐富ê聘金。伊tńg來到亞伯拉罕ê故鄉哈蘭去,到拿鶴khiā起ê城。Chit位老奴僕kah亞伯拉罕仝款,對上帝有絕對ê óa靠,伊深信上帝一定會替伊安排。 第12到14節,老奴僕向上帝祈求一個應允ê記號,ná親像第十五章亞伯拉罕向上帝祈求應允ê記號仝款。 第15到20節,chit段經文講述這老奴僕所祈求ê記號果然出現 tī利百加ê身上,伊是亞伯拉罕小弟拿鶴ê kiáⁿ彼土利ê cha-bó͘-kiáⁿ。伊成(chiâⁿ)實像老奴僕期待看見ê,m̄-nā取水hō͘老奴僕lim,mā取水hō͘伊ê駱駝lim,這lóng teh說明利百加是一個聰慧ê cha-bó͘-gín-á。 第21到27節,老奴僕除了the̍h出金環hō͘利百加當做見面禮外,mā期待ē-tàng認bat利百加ê身世背景,無想tio̍h果然是主人亞伯拉罕ê親人。因為án-ne,伊確定這就是上帝hō͘伊ê記號。 |